Хааныхаа шалдан байгааг бид мэдсэнээс хойш 17 жил єнгєрчээ. “Хаан шалдан байна” гэж бvхнээс тvрvvн хашгирсан жаал хvv єдгєє эрийн цээнд хvрснээр барахгvй идэр насандаа очжээ.
Єєрєєр хэлбэл, хvний бvтэн vе єнгєрсєн байна. Харин тэр хvvхэд хувьсгал хийсэн юм. XX зууны монголын тvvхэнд тохиосон гурван их хувьсгалын хамгийн сvvлчийнх нь. Гэхдээ хамгийн иргэншсэн, хамгийн тєгєлдєр, тэр даруйдаа дэлхий нийтээр хvлээн зєвшєєрєгдсєн хувьсгал нь байлаа. Чухам энэ чанараараа 1990 оны цагаан морин жилийн vйл явдал бол тvvхийн давтагдашгvй хувьсгал байсан юм. 1911 онд тусгаар тогтнож, 1924 онд бvгд найрамдах улсаа зарлаж, 1960 онд НVБ-аар хvлээн зєвшєєрєгдсєн Монгол орон 1990 оноос бvрэн бие даасан, ардчилсан, эрх чєлєєт улс болсон билээ. Энэ их хэргийг санаачилж, гардан эхлvvлсэн мєнєєх жаалд тvvх хэзээд гvн хvндэтгэлээ илэрхийлэн ёслох нь мэдээж ээ. Энэ орны иргэн болгонд эрх чєлєє олгож, хувь заяагаа єєрєє сонгох бололцоо буй болгож, ємчтэй, єєрєє єєртєє эзэн байх хаалгыг нээж, хуулийн, тєрийн, нийгмийн ємнє иргэд тэгш эрхтэй болох замыг тавьсан тэрхvv ноорхой жаал Гаврошийг францчууд мартдаггvйн нэгэн адил vе vеийн монголчууд бахархан дурсах болно.
Эрх чєлєє, тэгш эрх, шударга ёс хэмээх хvний энэхvv нандин эрдэнэ, эрхэм зарчмыг хайрлан хамгаалах гэж, дайснаас ємгєєлєх гэж, бvтнээр нь байлгах гэж, тvгээн дэлгэрvvлэх гэж, єдєр тутмынхаа хэв хэмжээ болгох гэж Гаврошоос хойш олон vеийнхэн тэмцсэн юм. Байнга хамгаалж л байхгvй бол “Бvх амьтан тэгш эрхтэй” гэсэн зарчим нэг л єдєр “…гэвч гахай бvр илvv тэгш эрхтэй” гэсэн нэмэлт тайлбартай лоозон болон хувирдаг юм байна гэдгийг тvvх бидэнд харуулж байна. Ємгєєлєн тэмцэж л байхгvй бол “Бvх амьтан єєрийн vгийг хэлэх эрхтэй, тэр нь єєртєє зєв“ гэсэн зарчим нvдэн дээр “…гэвч гахайн хэлэх vг хамгийн зєв нь мєн” гэсэн оруулгатай болчихдогийг бид харж байна.
Хєлбємбєгийн тоглоомоос эхлээд улс орон хvртэл оролцогч бvр мєрдєх єєрийн дvрэмтэй байдаг. Эрх чєлєє, тэгш эрх, шударга ёс гэсэн зарчмаа багтаасан єєрийн vндсэн дvрэм болох Vндсэн хуулиа иргэд тохиролцсоны vндсэн дээр Монгол улс батлаад 15 жил болох гэж байна. Энэ хуулийг манай иргэн бvр, айл бvр, хамт олон бvр, тєр болон улс тєрийн намууд ширхэгчлэн мєрдєхєєр тогтсон. Манай тєрийн болоод нийгмийн тогтоц энэ араг ясан дээр тогтсон. Хєл-бємбєгт дvрмийг нь зєвшєєрєхгvй хvнийг тоглуулдаггvй нэгэн адил Vндсэн хуулийг зєвшєєрдєггvй улс тєрийн намыг дээд шvvх бvртгэж vйл ажиллагааг нь зєвшєєрдєггvй байх ёстой. Хаана ч тийм л байдаг. Энэ дvрэм надад ерєєсєє таалагдахгvй байна, хуцваа нэг байна гэдэг хєлбємбєгийн багууд буй болон vйл ажиллагаагаа урам тєгєлдєр явуулах боллоо. Талбай дээр тоглож буй vндсэн хоёр тоглогч баг дvрмийг зvйл бvрээр зєрчихєєр барахгvй vvнээ эд бах болгох болов. Талбайн шvvгч илvv мєнгє єгсєнд нь найрч худалдагдаж дуусчээ. Сонгогдогч бол сонгогч олныг тєрийн шийдвэр гаргахад нь ємнєєс нь тєлєєлєгч билээ. Хvмvvс тvvгээр дамжуулан нийтлэг шийдвэр гаргах гэж байгаа учир найдсан хvнээ олох ёстой. Маргаан гарвал шvvхдэх ёстой. Маргааныг шvvх шийдвэрлэх эрхгvй гэж Цэц vзлээ. Ингэхээр сонгуульд ямар ч маргаан гарахгvй. Учир нь гахай яаж ч булхайцсан гахайны л зєв болно, энэ нь хуульчлагдаж орхив. Бид тэгш эрхтэй, гэхдээ гахай илvv тэгш эрхтэй. Цэц нь бvтцийг нь Vндсэн хуулиар зааж єгсєн сонгуульт байгууллага. Харин одоо дарга нь ажлаа орлогчдоо даатгаж болдог захиргааны байгууллага болж орхив. Ингэхээр Цэц буюу ерєнхий шvvгч илvv тэгш эрхтэй гахайнуудын захиалгаар ажилладаг болов. Улс тєрийн намын гэмт хэргийг гай нь таарсан гаальчинд тохож орхино. Улсаа зарсан фракц бvлгийн гэмийг ухна ишигт нємєргєж орхино. Vvргээ биелvvлж хээлтvvлэг хийгээгvй ингээд мал цєєрсєн, vvнээс болж хvмvvс єлссєн гэх мэтээр. Єєрєєр хэлбэл, манай хєлбємбєг шvvгчгvй болчихлоо.
Нэгэнт шvvгчгvй болохоор дvрэм баримтлахыг хэн ч шаардахгvй. Дvрмээ баримтлахгvй бол дvрэмгvйтэй адил. Эсвэл дvрмийг хэзээ дуртай цагтаа хэн илvv мєнгєтэй нь газар дээрээ зохионо. Ингээд ажил vvрэг, эрх мэдлийн хуваарилалт огт vгvй болно. Хэн ч юу руу ч орж юуг ч шийдэж, алийг ч авч болно. Гол нь мєнгєє л тохирох хэрэгтэй. Гавьяат уяачийн одон тэмдгийг гялалзуулсан гахайнууд араб морины уралдааны бариан дээр бооцоо тавин vзэлцэнэ. Бооцоонд эх орны баялаг, эцэг эхийн єв хєрєнгєєс эхлээд єнчин хvvхдийн эцсийн ганц зvсэм талх, євчтэй эмгэний сvvлчийн ганц ширхэг эм хуу явна. Учир нь бид бvгдээрээ тэгш эрхтэй боловч гахайнууд илvv тэгш эрхтэй.
Шалдан гахайнууд доллар, тєгрєг холилдсон дэвсгэртийг зvйн монгол дээлэрхvv юм хийж ємсєх боллоо. Энэ шинэ жилээр гоёх юм нь 250 саяын дэвсгэртvvдээр урласан палааж, ерєнхий гахай таван єнгєєр солонгордог пальто хийж ємссєн боловч єртєг нь багадсан хэмээн vнэнийг нь хэлэхээс ичингvйрнэ. Гахайнууд айж ичин хулгай хийдэг байсан бол одоо ид хав болгон дээрэм хийдэг болжээ. Уул нь бvх амьтан шударга, гэхдээ гахайнууд илvv шударга, яагаад гэвэл ямагт гахайны зєв. Хууль маань иймэрхvv л утга санаатай болсон.
Гахайнуудаас олон тоорой тєрлєє. Духандаа дазыбао ороосон хунвэй тооройнууд. Тэдэнд ямар ч дvрэм журам vйлчилдэггvй. Тэд бvгдийг, тvvний дотор єєрийг нь амьсгаадан байж хийсэн эцэг бодонгоо ч мєргєнє. Мєргєлддєг гахайнууд. Багалзуурддаг гахайнууд. Хаздаг гахайнууд. Тангардаг гахайнууд. Тэр байтугай англиар ярьдаг тоорой ч бий. Тэд ямар ч дvрэм журам хууль ёсыг мэдэхгvй. Учир нь хайрт эцэг нь тийм юм байдаггvй юм гэж зааж єгсєн юм. Хууль мууль гэж хэн нэгэн яривал бичгийг нь хурааж аваад салтаа руу нь чадлаараа єшиглєєрэй гэж сургасан юм. Гахай мєртєє хаусанд єссєн тэд хурдан торнин удахгvй илvv илvv тэгш эрхтэй биш илvv эрх мэдэлтэй нас биед гvйцсэн бодон болно. Харин тvvнийг дийлэх амьтан хорвоо дээр олдохгvй болно. Тэр vед эрх чєлєє, тэгш эрх, шударга ёс гэсэн vлгэр домгийн шинжтэй туульсыг єтєл буурай хєгшчvvд vдшийн цагаар хаалга цонхоо битvvлж байгаад vр ачдаа шивнэн ярих болно.
Ардчилсан хvчин гэж бид сvvлийн 16 жил ярилаа. Энэ бол хvн ч биш, байгууллага ч биш тэр дундаа улс тєрийн нам биш. Энэ бол vзэл санаа юм. Энэ бол ариун нандин идэй юм. Энэ бол ард тvмнийг гэрэлт ирээдvй рvv уриалан дуудагч. Энэ бол эрх чєлєє. Энэ бол тэгш эрх. Энэ бол шударга ёс. Vvнийг арчилж хямгадаж, хамгаалж, ємгєєлж цэвэрлэж байхгvй бол ариун сайхан идэй нь аягvй муухай vнэртэй идээ бээр болно. Бид vvнийг нvдээрээ vзэж хамраараа vнэрлээд сууж байна. 17 жилийн ємнє манай ард тvмэн бараг тэр чигээрээ ардчилагчид байсан. Энэ бол монголын ард тvмний ухамсартай сонголт байсан. Харин єнєєдєр энэ vнэр орсон гахайн идэш болж байна. Vнэр орсон энэ зvйлийг vтэр єшиглєж хаяад бvгдээрээ тэгш эрхтэй болж ганцхан ерєнхий гахай л ганцаараа илvv тэгш эрхтэй болъё гэж гахайнууд дvрэм єєрчлєх санал гаргах боллоо. Гахай болгон харин тус бvрдээ дотроо єєрийгєє ирээдvйн тэрхvv илvv тэгш эрхт ганц бодон гэж тєсєєлж байгаа. Vнэндээ vнэр тэрхvv vзэл санаанаас гараад байгаа юм биш. Дотор нь давхиж ороод замбарааг нь алдагдуулчихсан гахайнаас ємхий vнэртээд байгаа юм. Тэд дvрмийг єєрсдєє ганц ч мєрдєєгvй учраас vvнийг хэн ч мєрдєхгvй байна гэж зарлаад байгаа юм. Шалдан биеэ ороосон дэвсгэртээр зvйж хийсэн тэдний хувцаснаас ємхий vнэртээд байгаа юм. Тэд хэдийгээр єєрсдийгєє хувцасласан гэж бодож байгаа боловч vнэндээ мєнгєн дэвсгэртvvдийн зvйдэл дундаас нь хамаг юм нь унжиж санжаад нvднээ ил харагдаад байна. Дvрэм биелvvлдэггvй мєрддєггvй юм бол тэднийг заяанаасаа байх ёстой жорлон муу усны шуудуу руу нь хєєж явуулъя. Улс тєрийн гахай тэжээж байхаар Украйны цагаан гахай тэжээж амьдралаа дээшлvvлцгээе.
Sunday, July 1, 2007
Улс тєрийн гахай тэжээж байхаар Украйны цагаан гахай тэжээе
Subscribe to:
Post Comments (Atom)
No comments:
Post a Comment