Варшав дахь Монголын элчин сайдын яамтай Хойд Солонгос, АНУ хоёрын элчин хєрш зэрэгцээд байх. Гудамжаар алхах хэн ч АНУ-ын элчингийн vvдэн дээр тvр саатан сонирхоно. Салхинд намирах хєх одтой улаан цагаан хосолсон далбааг нь єлийж харна.
Гараараа даллан баяр хvргэх, далбаа тийш ёслох олон хvнийг харсан. Настай хvмvvс илэрхий хvндэтгэл vзvvлнэ. Зарим залуучууд “Нэгдсэн улс мандтугай” хэмээн сахилгагvйтэж байгаа vнэнээсээ нь мэдэгдэхгvй орилоод єнгєрнє. Ерєнхийлєгчийн нэрийг нь дуудах, долоовор дунд хуруугаараа “ялалт” гэсэн дохио vзvvлэх нэгэн ч бий. Элчингийн vvдээр хэн ч зvгээр алхаад єнгєрєхгvй. Гучаад жилийн ємнє шvv дээ.
Польшууд тvvхийн турш хоёр хvчирхэг гvрний дунд хавчуулагдан оршсон улс. Дорно талаараа Орос, єрнє талдаа Герман. Эд хvчирхэгээсээ гадна тvрэмгий уламжлалтай. Хоорондоо их дайтна, тэр болгондоо Польшийг гишгэнэ. 18 дугаар зуунд бvр хуваагаад авчихжээ. Бараг 200 жил газрын зургаас арчигдсан энэ улсыг Дэлхийн нэгдvгээр дайны vр дvн аварч дахин буй болголоо. Гэтэл хэдхэн жилийн хойно дараагийн дэлхийн дайн эхэлж Сталин, Гитлер хоёр нууц хэлэлцээгээр тохирон дахиад хуваагаад авчихжээ. Ялтын гэрээгээр Польшийг дахин байгуулсан боловч “чєлєєт” сонгууль нь Кремлийн ивээлд болж Зєвлєлтийн дагуул болж орхих нь тэр. Польшууд гурав дахь хєршийг Америк байгаасай гэж их хvсдэг. Тэдэнд их найдлага тавьдаг. Коммунистууд нь хvртэл хэдий улаантан ч гэсэн эх орончид учир жараад оноос хойш АНУ-ын бvх ерєнхийлєгч айлчлал хийсэн ганцхан коммунист дагуул орон бол Польш байлаа. Версалын болон Ялтын гэрээгээр Польш орныг дахин байгуулахад америкчууд хоёр удаа голлох vvрэг гvйцэтгэсэн. Эв санааны нэгдлийн vед Зєвлєлтийн танк хил дээр нь жагссан байхад америкчуудын тусламж л тэднийг зоригжуулж байлаа.
Олон орон чухам АНУ-тай л ойр дотно байхыг хvсдэг. Дэлхийн олон оронд явуулсан судалгаагаар єєрийн хамгийн дотно vндэстнийг америкчууд гэж олонхид нь vздэг аж. Ялангуяа сvvлийн хагас зуун жил тэдний аюулгvйн нємєрт тайван амьдарсан япон, солонгосчууд бvр єндєр. Филиппинээс АНУ-ын цэргээ гаргах тухай яриа єрнєхєд vvнийг эсэргvvцсэн нутгийн хvмvvсийн жагсаал тэднийг арлаасаа хєєж гаргая гэдэг vргэлж болдог цуглааны дэргэд жинхэнэ сvр хvч болж байжээ. Тэдний цэргийг Европ, Ази, Африкийн олон ард тvмэн чєлєєлєгчєє хэмээн цэцэг барин угтаж байсан. Тэд газар нутгийг эзлэх гэж биш эрх чєлєєг дагуулан ирдэг гэдгийг нь 240 жилийн намтраас нь бусад vндэстнvvд сайн мэднэ. Тэд алдаа гаргадаг, Мексиктэй газар булаацалдаж байсан, Вьетнамд сунжирсан дайнд ороцолдсон, магадгvй одоо ч бас л алдаа гаргаад Иракт бас “шаварт” суучих шиг боллоо. Гэхдээ л тэд натураараа эзлэн тvрэмгийлэгч биш. Тэд алдаагаа ил тод хэлж засдаг, уучлал гуйдаг. Сонгми тосгон, Ирак дахь олзлогсод гэх мэтээр. Дэлхийн хоёр дайныг тэд л дуусгаж єгсєн. Хэрэв тэд 1950 онд Солонгост цэргээ оруулаагvй бол дэлхий ямархан улаан шорон болох байв. Хэрэв тэд Герег, Тvрэгийг ємєєрєєгvй бол хорвоо юу болох байв. Хэрэв тэд Вьетнамд оролцоогvй бол Австралийн эрэг хvртэл маоизм тvрэх ч байсан юм бил vv. Хэрэв тэд Белградыг бємбєгдєєгvй бол Европын тєв дахь бузар дайн цааш хэдэн жил vргэлжлэх ч байсан юм билээ. Цємийн зэвсэгтэй болчихсон Энэтхэг, Пакистан хоёр маргааш биен дээрээ атом шидэлцээд унавал АНУ-аас єєр vvнийг зогсоож чадах газар бий гэж vv. Америкчууд дэлхийн аюулгvй байдлыг хамгаалдаг.
Тиймээс тэд бусдын хэрэгт зарчмын vvднээс л “оролцдог”. Хаа нэг газар биенээ хядаад, боолчлоод унавал тэд єєрсдєє мэдэг гээд хаядаггvй. Ардчилал эвдрэх, авилга газар авахад дуугvй байдаггvй. Vvнийгээ тэд “Америкийн амин эрх ашиг” гэж нэрлэдэг. “Монголд ардчилал тогтож буй нь єєрєє Америкийн эрх ашиг юм” гэж хатагтай Оолбрайт Улаанбаатарт ирэхдээ хэлсэн нь тэд єєрсдийн мєн чанараа илэрхийлсэн хэрэг. “Америкийн гар хєл болох” гэсэн нэг хэлц байдаг. Гэвч тэдний гар хєл болсноор эх орныхоо vндсэн эрх ашигт хор хvргэсэн тохиолдол хаана ч vгvй биз. Учир нь Америкийн эрх ашиг тухайн дэглэмvvдтэй тохирдоггvй болохоос аль ч vндэстний эрх ашигтай таарч байдаг. Иймээс ч Америкийн талд тагнуул хийж байгаад эх орноосоо уравсан нэр хvлээсэн олон хvнийг хожим нь чєлєєт болсон эх орон нь бvрэн цагаатгах тєдийгvй vндэсний баатар болгодог. Хурандаа Пенковский, генерал Коклински гээд олон жишээ татаж болно.
Америкчууд дэлхий дээр хамгийн анхны мєртєє хамгийн бат бэх, хамгийн шударга, хамгийн тэгш тєгєлдєр нийгмийг байгуулсан. Энэ нь хvн бvр тэгш бололцоогоор хангагдсан, иргэн бvр нь эрх чєлєєт нийгэм билээ. Чухам ийм эрх чєлєєт нийгэм дэвшлийн гайхамшгийг бvтээж болно гэдгийг єєр дээрээ харуулсан. Єдгєє дэлхийн улс гvрнvvдийн дэндvv дийлэнх нь ийм нийгмийн байгууламжтай болжээ. Черчилийн хэлснээр ардчилал нь тоолж баршгvй олон дутагдалтай боловч vvнээс илvv дээр нийгмийн байгууламжийг хvн тєрєлхтєн бодож олоогvй яваа билээ. Америкийн тєрийн бvтцийг олон газар хуулбарлаад бvтэлтэй юм болоогvй. Газар газрын онцлогоос болоод энэ бvтэц єєр єєр байдаг байх. Харин Америкийн эрх чєлєєний зарчим бол хvн тєрлєхтний тvгээмэл хууль. Эрх чєлєєт нийгэм л хєгжил, жаргал, дэвшилд хvрнэ.
Ерєнхийлєгч Бушийн нэр єдгєє барагтайхан байх шиг байна. Магадгvй тэр єєрєє АНУ-ын бас нэг алдаа ч байж болох юм. Тvvнийг єдгєє америкчууд их шvvмжилж байна. Гэхдээ улс орныг нь тєлєєлж буй тvvнийг гадны тєрvvд доромжилж дайран дотоодын шvvмжлэгчдэд нь тусалж татаад унагаалцаадах гэсэн vг биш. Америк бол алдаатайгаа, оноотойгоо цогцоороо бvхэл бvтэн зарчим. Америк бол аль ч иргэний чєлєєтэй шvvмжилж болох самбар. Харин аль ч гадны тєрийн доромжлолын бай биш. Бусад орон ч єєрсдийгєє тэгэж vздэг.
Америкийн нэг том сонинд Монголд Буш ирсэний дараах сурвалжлага хэвлэгджээ. Бушийг дэлхий даяараа шахам эсэргvvцэж хаана зочлоно тэнд эсэргvvцэн бужигнана. Харин монголчууд ер бусын хvндэтгэлтэйгээр угтан авчээ. Бvр vнэн сэтгэлээсээ. Сэтгvvлч олон монголчуудаас сэтгэгдлийг нь сонссон байна. Холын аймгийн малчин євгєн ч Бушд хир халдаахгvй ємгєєлнє. Энэ хачин феноменийг сэтгvvлч гайхан бичсэн аж. Монголчууд Бушдаа биш тvvгээр тєлєєлvvлж Америк оронд элэгтэйгээ харуулж буйг харин тэрээр ойлгоогvй байх. Малчин євгєн Америкийн зарчмыг мэддэггvй, сонсоо ч vгvй байж болно, гэхдээ хоёр хvчирхэг хєршєєр хvрээлэгдсэн єєрийн орон нь тэдний ая аашийг дагаж хэрvvл зодоонд нь vрэгдчих гээд байдаг тvvхээ сайн мэдэх учраас Америкийг ємгєєлєгчєє, тулгамдсан vедээ аврагчаа хэмээн итгэж найдаж буй хэрэг. “Бурхан Америкт хайртай” гэсэн хэлц vг бий. Магадгvй Америкаар дамжуулж бусад орныг хайрладаг ч байж болох юм. Яагаад гэвэл Бурхан єєрєє Америкийг бvтээсэн юм чинь.
Sunday, July 1, 2007
АМЕРИКИЙГ БУРХАН БVТЭЭЖЭЭ
Subscribe to:
Post Comments (Atom)
No comments:
Post a Comment