Одоогоос таван зууны тэртээ Фэрдинанд Магэллан дэлхий тойрохоор гарчээ. 241-vvлээ явсан байна.
Гурван жилийн дараа гарсан газрынхаа эсрэг зvгээс ердєє 17-уулаа буцаж ирж. Тэдний дунд ахмад Магэллан байсангvй, галт зэвсгийн давууг Филиппиний арлын зэрлэгvvдэд харуулах гэж яваад нум суманд харвуулж vхсэн аж. Єнєєдєр тэрхvv зэрлэгvvдийн удам болох ердийн нэг филиппин бизнесмэн Дели, Станбул, Парис, Вашингтон, Сиатл, Хонолулуд ажил хэргийн уулзалт хийчихээд долоо хоногийн дараа ниссэнийхээ эсрэг зvгээс гэртээ эргээд ирэхэд хэн ч гайхахгvй. Зам туулах нийт хугацаа нь ердєє 30 орчим цаг л болох байх. Тэрээр єєрийн энэхvv техник технологийн дэвшил ашиглаж байгаагаа хэнд ч гайхуулж чадахгvй, учир нь ердийн ийм зvйлд хэн алмайрах билээ. Энэ аялал тvvнд амь насаа байтугай хуруугаа шалбалах ч эрсдэл дагуулахгvй.
Багадаа би Артур Кларкийн зєгнєлийг унших дуртай байлаа. XXI зуун гэхэд дэлхийн номын сантай болно гэсэн зєгнєл их сонирхол татдагсан. Дэлхийн номын сан гэхээр нэг их том байшин байх юм уу, эсвэл дэлхийн бvх хэвлэмэл материал нэг цэгт цуглах юм уу? Єнєєгийн интернэтийн тухай тєсєєлєл Кларкт аль дєчєєд оны vед байгаагvй байх. Гэтэл интернэт бол дэлхийн номын сантай зvйрлэшгvй аугаа юм. Энэ дотор бvх дэлхий багтчихна. Єєрєєр хэлбэл, хорвоо тэр чигээрээ алган дотор багтчихлаа гэсэн vг. Одоогоос хорь гаруй жилийн ємнє Олвин Тофлэр Эрх мэдлийн шилжилт гэж шуугиантай ном бичсэн. Тэнд эрх мэдлийг буу, мєнгє, мэдээлэл гэсэн гурван хэлбэрт хадгалагддаг гэсэн ба биендээ хэрхэн чєлєєтэй шилжих чадвартайг єгvvлдэг. Єнєєгийн алганд багтсан дэлхийн мэдээлэл хvн бvхэнд хvртээлтэй болчихлоо. Ухаад, ангилаад, олоод, системлэж чаддаг л юм бол ёоз ёозын мэдээлэл бvгд ємнє чинь.
Дээр жишээнд єгvvлсэн мєнєєх филиппин эр тэр олон хотоор хэсэж онгоцонд ядарч явах ч хэрэгцээ vгvй болсон. Интернэт нь мэдээлэл солилцдог тєдий зvйл биш. Vvгээр явагдаж буй худалдаа дэндvv том хэмжээнд хvрлээ. Єєрийг нь хєлслvvлж ажиллуулж буй эзнээ хэзээ ч хараагvй мєртєє єдєр шєнєгvй хєдєлмєрлєдєг явдал ердийн зvйл болжээ. Америкийн олон бизнес эрхлэгчдийн нарийн бичгийн дарга нь Энэтхэгт байна, учир нь цагийн зєрvvтэй, хэлний бэрхшээл байхгvй учраас тэр шvv дээ. Бараа тєдийгvй тєрєл бvрийн vйлчилгээг интернэт санал болгож байна. Олон улсын хурал уулзалтыг мєн л ийм байдлаар хийдэг болчихсон.
2003 оны Британика тольд нанотехнологи гэсэн vг алга. Гэтэл ердєє сvvлийн гурав дєрєвхєн жилийн дотор нанотехнологи хvмvvсийн єдєр тутмын амьдралд бvх талаас нэвтрэн орлоо. Арвын хасах есєн зэрэгт буюу молекулын тvвшинд хvн vйлдэл хийж чаддаг болсноор мэдээллийн багтаамж хязгааргvй болж буй хэрэг. Хамгийн бvдvvлгээр хэлэхэд ийм тvвшинд хийгдсэн хантаазыг ямар ч сум нэвтэлж чадахгvй нь. Цаашлуулах юм бол шатрын дэлхийн аварга тэр улсын тэр хvн гэгдэхээ болиод тэр компанийн тийм загварын компьютер нєгєє компанийн компьютерт дэлхийн аваргаа алдлаа гэх болж. Нэг vгээр хэлэхэд амьдралын норм хэмжээ байтугай утга учир ч єєрчлєгдєж байна. Хvнийг єєрийг нь канондоод хувилчиж болж байгаа болохоор єдгєє хvртэл хvний ертєнцийн мєрдєж ирсэн ёс суртахуун, ёс зvй, гэр бvл гэсэн ойлголтууд хэрхэн єєрчлєгдєх, ерєєс єєрчлєгдєх нь зєв vv гэх мэтийн мянган асуулт гарч ирнэ. Хvний соёл иргэншил мянга мянган жилийн турш байгалийн нууцыг нээж тvvнээ єєртєє ашиглаж иржээ. Гэтэл 1980 оноос биотехнологийн салбар шинээр буй болж Бурхны бvтээснийг засварлаж эхэлсэн юм. Байгаль дээр огт байдаггvй организмууд байгалийн бус аргаар буй болж эхэллээ.
Наяад оны дундуур капитализмтай єрсєлдєж байсан коммунист орнууд шинжлэх ухааны таван салбарыг онцгойлон авч vзээд тэргvvлэх чиглэлээр зарласан билээ. Энэ таваас Монгол Улс биотехнологийг єєрийн гол анхаарах чиглэл гэж vзэхээр болов. Монгол Улс ч юу байхав улс тєрийн товчоо л доо. Учир нь био гэхээр амьд амьтантай холбоотой байж таарна, Монгол бол авахаас олон малтай гэж бодсон энгийн тооцоо. Тvvнээс хойш хорь гаруй жил єнгєрлєє. Биотехнологийн vйлдвэрлэлийн 80 хувийг АНУ, арав, арван хувийг нь Япон, Европ тус бvр атгаж байна. Учир нь биотехнологи нь дэндvv єндєр технологи, нарийн шинжлэх ухаан. Гэхдээ єдєр тутмын хэрэглээнд хавтгайран дэлгэрсэн эд. Нєгєє хєгжvvлж баллах тєлєвлєгєє гаргаад байсан бид олигтой хэрэглэгч ч болж чадаагvй л явна. Бусад салбараа больё гэхэд орчин vеийн Монголын анагаах ухаан, мал аж ахуй, газар тариалан биотехнологийн ололтоос мєн ч хол явна даа. Сvvлийн vед нанотехнологи буй болсонтой холбогдуулан дааж давшгvй мєнгє нэхэгчид олширч байна. Нэгэн євгєн нанотехнологи vйлдвэрлэл хєгжvvлэх гээд мєнгєний гачаалд орчихсон явна, мань хvн тавиад оны vед оюутан байхдаа л биотехнологи нь хєгжин тєгєлдєржсєний дараа нанотехнологи араас нь явна гэж бодож байсан чинь амьдрал дээр нано нь урд нь гарчиж гэнэ. Нанотехнологи гэдгээ молекулын завсраар хий шахчихдаг маягтайгаар тайлбарлаадах шиг болсон шvv. Vнэндээ бид хєгжvvлэгч, санаачлагч, бvтээгч байх бололцоогvй. Vvнд дэндvv их мєнгє, туршлага, боловсон хvчин, технологийн чадвар шаардлагатай. Бид шинжлэх ухаан технологийн дэвшлийн овсгоотой хэрэглэгч байхад л хангалттай. Сайн хэрэглэгч болохын тулд юун тvрvvн боловсрол мэргэжлийн сургалтанд яаралтай хамрагдах ёстой юм. Єдгєє Монголын залуу vе компьютер технологийн муугvй хэрэглэгчид болж чадаж байна. Иймээс ч бэлэн деталиуд цуглуулаад made in Mongolia электрон тєхєєрємж угсрах нь тєдий л гайхалтай зvйл биш болжээ.
Тоон систем амьдралд нэвтэрснээр бvхэл бvтэн хувьсгал гарлаа. Дижитал ардчилал ч гэж ярьж байна. Кино, клип хийх нь хєрєнгє мєнгєний болоод технологийн хувьд бvхэнд хvртээлтэй хялбар зvйл болчихлоо. Тийм л сvрхий юм бол, хорвоод хосгvй авьяас чинь мєнгєнєєс болоод боогдоод байдаг байсан юм бол одоо чадлаа vз л дээ. Дэлхий ємнє чинь тавган дээр тавиастай байна. Залуу найз аа замд гараачээ, заавал тийшээ хамтдаа явцгаагаач ээ.
Эдгээр асуудлын тухай Дэлхий хавтгай хэмээх шуугиан тарьсан номыг Томас Фридман бичжээ. Энэ ном гарсан даруйдаа хэдэн саяар борлогдож хэл болгонд орчуулагдав. Нэгэнт дэлхий “хавтгай” болчихсон болохоор дорхноо монгол хэлээр бууж уншигч таны гарт очиж буй нь энэ. Энд дэлхий биет утгаараа хавтгай болчихсон тухай биш тавган дээр тавьчихсан юм шиг бvгдэд хvртээлтэй болсон тухай єгvvлсэн билээ. Ингэхээр “тэгшхэн дэлхий” эсвэл “алган дээр буусан дэлхийн” тухай єгvvлээд буй хэрэг. Єнєєдєр оцон шувуунаас єєр амьтангvй Антарктид тивд цахилгааны зєєврийн эх vvсвэр тавьж байгаад компьютерээр интернэтэд орон мєнєєх тэгшхэн тавагнаас дуртайгаа авах бололцоотой. Харин ингэхийн тулд оцон шувуу биш хvн, хvн хvндээ технологийн дэвшил ашиглаж чадахуйц боловсролтой хvн байх шаардлагатай. Єєрєєр хэлбэл, хавтгай дэлхийн тавцан дээр єрєгдсєн жимс амьд организм болгонд хамаатай зvйл биш. Боловсролгvй, технологи эзэмшээгvй нэгэнд дэлхий бєєрєнхий хэвээрээ байгаа.
Sunday, July 1, 2007
АЛГАН ДЭЭР БУУСАН ДЭЛХИЙ
Subscribe to:
Post Comments (Atom)
No comments:
Post a Comment