Саяхан хєдєєний хоёр залуу хотод ирж дээрэм хийжээ. Таксинд суун жолоочийг нь боомилж хєнєєчихєєд машиныг нь єєрийн болгов.
Ердєє маргааш нь дээрмийн тэргээ зах дээр зарах гэж яваад баригдах нь тэр. Хот гэхээр л учир замбараагаа алдсан юм байдаг гэж бодсон бололтой. Жолоочийг нь алдаггvй юм, зvгээр л айлгадаг учиртай, машин нь цаанаа бvртгэлтэй байдаг тул ноймортой юутай хээтэй нь зардаггvй юм, “махалдаг” ёстой гэж хоёр гайхалд хэн ч хэлж єгсєнгvй. Хот, хєдєє хоёр бол шал ємнєє соёл. Наад зах нь хулгай дээрэм нь хvртэл єєр. Хотод хєдєлмєрийн хуваарь гээч юм бий. Хулгайч нар нь хvртэл тагтных, халаасных, дэлгvvрийнх гэх байтугай цоож гаргадаг, хаалга эвддэг, цонх янзалдаг, тааз цоолдог гээд мэргэшээд явчихна. Тvvнээс хєдєєнийхєн шиг дан малаар гаршчихсан, хvн тааралдвал хонь гаргаж байгаа юм шиг ил задгай аашилдаг юм гэж хаа байхав.
Ерєнхийдєє бид бvгд хєдєєнийхєн. Тавиад оны vед сургууль номын мєр хєєж орж ирэгсэд анхны хотынхон байлаа. Миний эх эцэг тэр vед л хотод анх орж ирсэн хєдєєний залуус. Тэднээс ємнє гучаад оны vед хотод орж ирэгсэд хуйгаараа буудуулж баахан єнчин хvvхэд л vлдээсэн байх. Миний vеийнхэн анхны хотын уугуул иргэд болон мэндэлж эхэлсэн. Жараад оны дєч тавин мянгат, микр, комбинатын хулигаанууд ч гэдэг. 1960 онд Монгол анх удаа сая хvнтэй, Улаанбаатар анх удаа 100 мянган иргэнтэй болжээ. Нэгдэлжих хєдєлгєєн буюу нvvдэлчдийн хєрєнгє хураах их кампанит ажил єрнєсєн нь хот руу зугтах их нvvдлийг vvсгэсэн юм. Ингэж Монголд анхны пролетари анги vvслээ. Аав ээжийн маань хамаг хамаатан садангууд энэ vед хотод дvрвэн орж ирсэн. Анхны хот, анхны хотын иргэдийг тєлєвшvvлэх их кампанит ажил ч энэ vед л єрнєсєн. Соёлын гурван их довтолгоон! Б.Цэнддоо олон жил энэ талаар судалгаа хийсний vр дvнд буй болсон “Соёлын довтолгоо: Анхны хэт гvрнээс сvvлчийн нvvдэлчин” номыг заавал олж vзээрэй. Бид нэг соёлоос нєгєє соёл руу шилжсэн тvvхийг гайхалтай сайхан зураглажээ. Монголчууд шилжилт хийснээр vл барам єєрийн шинэ соёлыг буй болгосон юм!
ХХ зуунд Монголд болсон бvх vйл явдлаас магадгvй хамгийн аугаа нь энэхvv хvмvvсээ єнєєгийн иргэншилд аваачсан соёлын их хувьсгал байлаа. Чухам vvний vрээр монголчууд арьс єнгєний євчнєєс салж, дотуур хувцас хэрэглэж, усанд тогтмол орж, биеийн ариун цэврийг сахиж, бичиг vсэгт тайлагдаж, хотжиж, иргэншсэн билээ. Хэдийгээр энэ vйл явц нугалаа, завхрал, хvчирхийлэл, албадлага, захиргаадалт дагуулсан боловч эцсийн дvндээ бид vй олон ХХ зууны иргэдтэй болж, иргэншиж соёлжсон. Нэгдэлжvvлсэн, атрыг эзэмшсэн, капитализмыг алгасуулсан гэдгийгээ Цэдэнбал єєрийн хийсэн хамгийн том гавьяа гэж vхэн vхтлээ боддог байсан авч vнэндээ тvvний хамгийн том бvтээл бол єнєєгийн иргэншсэн монголчууд билээ. Зєвхєн энэ гавьяа нь тvvний бvх нvглийг цайруулахаар барахгvй тvvхийн зєвтгєл нь болно.
1990 оны хувьсгал, 1992 оны шинэ vндсэн хууль монголчуудад єєрийн оршин суух газраа єєрєє сонгох эрхтэй болгосноор 15 жилийн дотор нийслэл хотын хvн ам хоёр дахин их боллоо. Хэдхэн хоногийн ємнє хєдєєний эрvvл улаан хацартай хотын мээр маань сая дахь иргэнийг бараг л єєрєє эх барьж авлаа. Хvн нэмэгдвэл хvнс нэмэгдэнэ. Хvн олшрох хэрээр шинэ хэрэглээ, шинэ зах зээл буй болж эдийн засгийн єсєлт улам эрчимжинэ. Тэртэй тэргvй 20-40 сая малаас дээшийг багтаах бэлчээрийн багтаамж байхгvй, vvнээ дагаад хагас саяас дээш нvvдэлчин малчин Монголд багтахгvй. ДНБ-д эзлэх мал аж ахуйн хувь ч эрс буурч байна. Нэг л vгээр хэлбэл тєвлєрєл, хотжил, иргэншил мандтугай!
Зарим нэгний бодож буйчлан хvн нэмэгдсэнээр хvндрэл vvсээд байгаа юм биш, ирсэн хvмvvс нь хотжоогvйд хамаг зовлон єдгєє vvсээд байна. Ерэн оноос хойш 100 мянган хотын хvн гадаадад гарсан гэж бодоход єдгєє Улаанбаатарт дор хаяж 600 мянган хєдєєнийхєн байна. Ийм олноороо хотод шинээр шилжин ирж байхад тэднийг иргэншvvлэх, соёлжуулах, хотжуулах ямар ч арга хэмжээ авагдсангvй. Соёлын довтолгоон дутагдаад байна. Vvнээс болоод хэдийгээр бид бараг бvгдээрээ хєдєє угшилтай боловч шинээр ирэгсдийг хуучин ирэгсэд нь гадуурхах, аягvй бол vзэн ядах хэмжээний зєрчил эхэлж буй бололтой. Хотод шинээр орж ирсэн хєдєєнийхєн илvvтэй хєл алдан зам хєндлєн гарахаас эхлээд хамгийн аймшигт гэмт хэрэгт хvртэл “дvрэм зєрчинє”. Траншейныхан гэдэг чинь тэр чигээрээ хєдєєнийхєн. Социалист залуу луйварчдын холбоо гээд л ХЗХ болон Хадгаламж банкийг тоночихсон харцуул чинь гонжоом ємссєн хєдєєний банди нар л байх чинь билээ. Харин мєнгє хувьдаа завшчихлаа гэхээр “манай холбоог аудит шалгахад цэвэр гарсан” гэж хадуураад байгаа нь хєдєєний биш шоронгийнхны арга. Учир замбараа нь олдохгvй том тогоон дотор намын хамгаалалттай юу л бол юу хийж болно гээд хууччуул нь ойлгуулчихгvй юу! Шар сонины сурвалжлагч гэгдэх жаахан шар охид чинь тєрєлх сумынхаа дунд сургуульд шvлэг оролддог байсан хvvхдvvд юм билээ. Тиймээс аймаар зоригтой, vнээ сааж суухдаа айлын авгайчууд цуурдаг хов живийг нялайтал мэдээллийн хэрэгслэл дээр хусаж орхино. Хариуцлага мариуцлага гэж юугаа мэдэх билээ. Таксины жолооч нарын дийлэнх нь Энхтайваны гvvр, тєв талбай, нисэх гурваас єєр газар мэдэхгvй. Сумын уран сайханч багш, эмч хоёр урлагийн vзлэгээр дуулдаг дуу хотын аль том тайзан дээрээс цуурайтан танхим vзэгчдээр хахаж цацна. Vзэгчид vстэй дээлтэй, лоовууз эрvvвчилсэн, тасралтгvй самар цємнє. Vvр цайтал vймэн шуугих найрын дуу хорооллоор нэг хадах ба дараагийн зочид шєнийн гурван цагт цуван айл эндvvрч орцны бvх айлын хаалгыг ээлж дараалан нvднэ. Машинаа тавиад дєнгєж бєгс єндийнгvvт хиртэй алчуураар халтартуулчихсан нэгэн vйлчилгээний хєлс нэхэн ядаргаатна. Хотын жорлон тєв талбай руугаа ойртсоор…
Хот, хєдєєгийн соёл тэс ємнєє. Яриа нь хvртэл. “–Юутай? -Юу ч vгvй” гэсэн мэндчилгээ хєдєєнийхний 45 минут vргэлжилдэг цаг агаарсаг мэндчилгээнээс илvv мэдээлэл агуулдаг. Гарвалаараа бид бvгдээрээ л хєдєєнийхєн. Гэхдээ тvрvv зуунд хотжиж чадсан нь сvvлчийнхдээ тусалмаар. Хотын захиргаа улаан хацралчихаад хєдєєнийхнийг гадуурхаж, оруулахгvй энээ тэрээ болж байхаар хотод яаж амьдрах ёстойг зааж єгмєєр. Учир нь хот бол хамтын амьдрал. Хєдєєнєєс ялгаатай нь хvмvvс нь нийтлэг эрх ашигтай, нийтлэг гамшигтай. Гялгар уут, машины дугуй тvлсний хохирлыг саяулаа амсаж байна шvv дээ. “Би монгол хvн, бичиг мэддэггvй, биеэ угаадаггvй, бэлгэвч хэрэглэдэггvй, билэг танхай, би хєдєєний хvн” Зєв байхаа, зєв байх. Гэхдээ л хотод бэлгэвч хэрэгтэй дээ.
Sunday, July 1, 2007
УГ НЬ БИД БУЛТААРАА ХЄДЄЄНИЙХЄН
Subscribe to:
Post Comments (Atom)
No comments:
Post a Comment